債王格羅斯認為，過去二十五年美國CPI反覆回落期結束，今天世界已變，我地再次進入CPI上升周期。
美國精算師協會調查結果顯示，通脹係退休人士最大威脅；尤其食物及燃料真係避無可避。唔少人計劃四十五歲前退休，我老曹一直指為荒謬（除非你身家大把）。過去唔少人認為投資股票每年回報率可達10％至12％，投資債券每年回報率6％，而CPI升幅每年只有3％至5％，因此每年實質回報（扣除通脹）可達6.5％……。試諗，1973年擁有100萬元（當年已算係非常有銀之士），到2008年（如1973年四十五歲退休，今年剛剛好八十歲）今年生活質素如何？同樣理由，今天擁有1000萬元（購買力仍唔及1973年100萬元），現年四十五歲者，三十五年後又點？更何況香港黃金三十年（1967至97年）已結束。1997年投資股票至今十年升幅小於50％，1997年投資住宅樓至今仍較1997年低20％；存款收息更少得可憐，而過去十年CPI升幅平均每年3％……。
據美國統計數字，退休後大部分人生活水平都只能維持工作時期70％（即大部分人都要節衣縮食），到去世之前仍唔使為錢而煩惱打工仔只佔退休人口4％（真係好少）！上述說話幾逆耳，但肯定係忠言。
訂閱：
張貼留言 (Atom)
發表文章
0 意見:
張貼留言