Investment 理財投資

面對匯豐供股問題，很多小股東仍很迷惘，就如一邊擲花瓣，一邊唸著「供、唔供、供、唔供…」大家都想尋求專家意見，但無論如何抉擇，都要留意供股時間表。

除權日：3月12日 (在此前成為匯控股東，才有供股權)
供股權買賣：3月23至31日 (供股權會以臨時編號在聯交所買賣)

供，唔供？

曹sir：《明報》自己都有成兩萬股匯豐股票，曹Sir建議大家如果能力許可，可以參與供股，但就唔好再乘機買多D供股權黎增持喇！事關依家歐洲果邊有幾個國家財政壓仍然好大，分分鐘會再爆金融風暴第二波，所以金融股都仲係有風險，都係等第二波過咗之後先買貨會好D。不過曹Sir 就覺得，匯控依家個價其實已經超賣得好勁，相信噚日(3/3)跌到去42元，已經係見咗底。

胡孟青：《am730》君子不立危牆之下…有無見過有人明明打頭陣敲響火警鐘，但自己反而唔識走火警等燒死，匯控係活生生例子，在眾多疑團未解下，真係唔忍心一口氣斬釘截鐵叫人供股，唔係人人有大孖沙之能耐…只怕有天股價跌穿供股價，求助電話又如雪片飛來。叫人唔好供，絕對唔係無的放矢，如你大把資金無出路，當幫朋友無妨，捐贈不望回報，咁樣個心舒服些。

陳永陸：《經濟日報》人稱陸叔的他，呼籲散戶看清業績真面目，更坦言若供股權價格理想，會選擇沽出供股權。

保險界立法會議員陳健波：《經濟日報》他昨天以平均價47元掃了12手（1手400股）、合共4,800股。無貨在手但又想供股的波哥，今次動用廿多萬刻意買12手，以便供股後再分得2千股，就沒有碎股的煩惱；其如意算盤是，以供股價28元推算，連同正股的入貨價，拉勻計，相信平均價只是41元左右，再跌風險有限。不過，波哥強調，他自己認為供得過，是放眼長綫的，博短炒的股民不宜盲目跟風。

東尼：《壹周刊》作為匯豐忠實擁躉的東尼，則還未拿定主意供股與否：「我相信匯控三數年內，盈利可以重回高峰水平，但它的投資價值，可能沒有我以往所想的那麼高。」

黃國英：《壹周刊》...會先沽出部分正股，才將套現的資金用來供股，「老實講，依家叫我俾新錢落去供我就唔會，但有個供股權係度，都會用，咪賣一半正股，然後留番D錢黎供股，即係好似用三十八蚊賣出去，再用廿八蚊撈番，唔使俾人攤薄，而且蝕都蝕少D。」

資料來源: 信報財經新聞